18 January 2024 – 𝐍𝐢𝐧𝐠 𝐦𝐢𝐭𝐡𝐦𝐮𝐡 𝐚𝐡 𝐭𝐞𝐡𝐭𝐡𝐫𝐢𝐦 𝐭𝐮𝐡𝐢𝐧 𝐛𝐚𝐰𝐧𝐳𝐨 𝐢𝐧𝐠

Nisiar Rauhla Rong
18 January 2024

Kumkhatsong Bible siar

Genesis 43–45
Matthai 12:24–50

𝐓𝐡𝐚𝐳𝐚𝐧𝐠 𝐥𝐚𝐧𝐠𝐩𝐡𝐚 𝐭𝐡𝐮𝐜𝐨𝐦: “𝑁𝑖𝑛𝑔 𝑐𝑎 𝑡ℎ𝑖𝑙 𝑖 𝑏𝑎𝑤𝑛ℎ𝑛𝑎𝑘 𝑏𝑎𝑛𝑔 𝑟𝑜𝑟𝑖 𝑖𝑛 𝑛𝑖𝑛𝑔 𝑏𝑎𝑤𝑛 𝑡𝑢ℎ 𝑣𝑒ℎ𝑛𝑎𝑘 𝑖𝑛 𝑛𝑖𝑛𝑔 𝑚𝑖𝑡ℎ𝑚𝑢ℎ 𝑎ℎ 𝑡𝑒ℎ𝑡̣ℎ𝑖𝑚 𝑡𝑢ℎ𝑖𝑛 𝑏𝑎𝑤𝑛 𝑧𝑜 𝑖𝑛𝑔.” (𝐽𝑜ℎ𝑎𝑛 13:15).

Johan 13:6-17 songai sik tlang nga sing ih.

𝐈.𝐚) 𝐯𝐯. 𝟔-𝟗 𝐉𝐞𝐬𝐮𝐡 𝐢𝐧 𝐏𝐞𝐭𝐞𝐫 𝐤𝐞 𝐬𝐨𝐦 𝐬𝐚𝐤 𝐭𝐮𝐦 𝐚𝐢 𝐏𝐞𝐭𝐞𝐫 𝐢𝐧 𝐢 𝐫𝐮𝐚𝐧𝐠𝐩𝐮𝐦 𝐯𝐞𝐤𝐬𝐞𝐧 𝐢 𝐬𝐨𝐦𝐬𝐚𝐤 𝐭𝐮 𝐥𝐚𝐰𝐥𝐚𝐰 𝐭𝐢𝐢𝐧 𝐭𝐢:

Simon Peter hnen a hleng fangin ani in, “Bawipa, ke i som tuh ngaingai isim?” tiin zawt i. Jesuh in, “Hetih ai i bawnhnak heh tuh ahcen a sullam ling lo isi, ikhalselai lehhnua ah ling leh tuh isi,” tiin ti i. Peter in, “I ke tu zaikom inkhai i som sah tuh hrimhrim lo isi,” tiin ti i. Jesuh in, “Ke na som hlah lengkhaw i hnenah tel thil tuh nawn lo isi,” tiin ti i. Simon Peter in, “Bawipa, ciatih lekhaw, i ke lek i som mah! I kut le i lu khai i som tu,” tiin ti i.

𝐈.𝐛) 𝐯𝐯. 𝟏𝟎-𝟏𝟏 𝐉𝐞𝐬𝐮𝐡 𝐢𝐧 𝐧𝐢𝐧𝐠 𝐥𝐚𝐤𝐚𝐢 𝐦𝐢 𝐩𝐚𝐤𝐡𝐚𝐭 𝐬𝐢𝐚𝐫𝐥𝐨 𝐧𝐢𝐧𝐠 𝐫𝐮𝐚𝐧𝐠𝐩𝐮𝐦 𝐭𝐮 𝐜𝐢𝐚𝐧𝐠𝐬𝐚 𝐳𝐨 𝐢, 𝐜𝐢𝐚𝐦𝐚𝐧𝐢𝐧 𝐧𝐢𝐧𝐠 𝐤𝐞 𝐢𝐚𝐧 𝐬𝐨𝐦 𝐤𝐮𝐥 𝐢, 𝐭𝐢𝐢𝐧 𝐭𝐢:

Jesuh in, “Aisu khai takhlu ciatu heh a pumpuhluk in ciang zo i; a ke siar lo som leh kul lo ihang. Ning veksen in ning thiang zo i, pakhat siar lo cenin!” tiin ti i. Jesuh in aisu in i zuar tuh i, ti ling cia i. Ciamanin ning veksen in ning thiang i, pakhat siar lo cenin, tiin a tihnak i.

𝐈𝐈) 𝐯𝐯. 𝟏𝟐-𝟏𝟓 𝐉𝐞𝐬𝐮𝐡 𝐢𝐧 𝐚𝐦𝐚𝐡 𝐡𝐞𝐡, “𝐁𝐚𝐰𝐢𝐩𝐚 𝐥𝐞 𝐒𝐚𝐲𝐚𝐩𝐚 𝐧𝐠𝐚𝐢𝐧𝐠𝐚𝐢 𝐢𝐧𝐠” 𝐭𝐢𝐢𝐧, 𝐭𝐢 𝐚𝐢, 𝐤𝐚𝐢𝐦𝐚𝐡 𝐢𝐧 𝐧𝐢𝐧𝐠 𝐤𝐞 𝐧𝐢𝐧𝐠 𝐬𝐨𝐦𝐬𝐚𝐤 𝐛𝐚𝐧𝐠𝐢𝐧 𝐩𝐚𝐤𝐡𝐚𝐭 𝐥𝐞 𝐩𝐚𝐤𝐡𝐚𝐭 𝐬𝐨𝐦 𝐬𝐚𝐤 𝐝𝐮𝐧 𝐭𝐮 𝐢𝐡 𝐭𝐢𝐢𝐧 𝐳𝐢𝐫𝐡:

Jesuh in a hnuahlunte ai ke a som sah ben fangin a angki fual sil leh ai a tohnak cabuai ah to leh i. “Tun ning vumai i bawnhnak heh a sullam ling aw i sim? Ning in, “Sayapa,’ tiin le ‘Bawipa,’ tiin i ko ai ning hman i, zaimantifangin ning tihnak bangin i peupeu ing. Ning Bawipa le ning Sayapa kaimah in ke ning som sah zo ing. Ciamanin ning khai pakhat le pakhat ke som sah dun tu ih. Ning ca thil i bawnhnak bang rori in ning bawn tuh vehnak in ning mithmuh ah tehṭhim tuhin bawn zo ing.

𝐈𝐈𝐈) 𝐯𝐯. 𝟏𝟔-𝟏𝟕 𝐍𝐢𝐧𝐠 𝐥𝐢𝐧𝐠 𝐡𝐧𝐚𝐤𝐤 𝐭𝐡𝐮 𝐛𝐚𝐰𝐧 𝐩𝐞𝐮𝐩𝐞𝐮 𝐥𝐞𝐢𝐬𝐢𝐤𝐡𝐚𝐰, 𝐦𝐢𝐡𝐦𝐮𝐢𝐟𝐮 𝐧𝐢𝐧𝐠 𝐜𝐚𝐧𝐠 𝐭𝐮𝐡 𝐢:

Salte tu a bawipa tahin lian sawn lo i; nalangte khai a hlattu tahin lian sawn awng lo i. Ning in he thute ling zo ai hlun peupeu le i sikhaw zaitlukin mihmuifu ning cang tuh i.”