𝐎𝐜𝐭𝐨𝐛𝐞𝐫 𝟏𝟑, 𝟐𝟎𝟐𝟒 – 𝐋𝐚𝐢𝐯𝐮𝐦 𝐧𝐮𝐧𝐡𝐧𝐚𝐤 𝐡𝐫𝐚𝐧𝐠𝐚𝐡 𝐭𝐚𝐧𝐩𝐮𝐢𝐭𝐮 𝐫𝐮𝐚𝐥𝐩𝐮𝐢𝐩𝐡𝐚

Date: October, 2024
𝟏 𝐒𝐚𝐦𝐮𝐞𝐥 𝟐𝟎:𝟑𝟓-𝟒𝟐 𝐋𝐚𝐢𝐯𝐮𝐦 𝐧𝐮𝐧𝐡𝐧𝐚𝐤 𝐡𝐫𝐚𝐧𝐠𝐚𝐡 𝐭𝐚𝐧𝐩𝐮𝐢𝐭𝐮 𝐫𝐮𝐚𝐥𝐩𝐮𝐢𝐩𝐡𝐚

𝐯𝐯. 𝟑𝟓-𝟒𝟎 𝐉𝐨𝐧𝐚𝐭𝐡𝐚𝐧 𝐢𝐧 𝐚 𝐋𝐢 𝐡𝐞𝐡 𝐚 𝐡𝐥𝐚𝐩𝐮𝐢 𝐚𝐡 𝐤𝐚𝐩 𝐢, 𝐜𝐢𝐚 𝐡𝐞𝐡 𝐚 𝐡𝐧𝐮𝐚𝐡𝐥𝐮𝐧𝐭𝐮 𝐭𝐥𝐚𝐧𝐠𝐯𝐚𝐥𝐩𝐚 𝐤𝐡𝐮𝐥 𝐫𝐮𝐚𝐢 𝐚𝐢, “𝐓𝐥𝐚𝐧𝐭𝐮 𝐚 𝐡𝐥𝐚𝐩𝐮𝐢 𝐚𝐡 𝐮𝐦 𝐢” 𝐭𝐢𝐢𝐧, 𝐭𝐢 𝐢: Amahte lungkhimhnak bangin a thangha fangin Jonathan tu David tawk tuhin hampalak ah feh i. Jonathan in tlangval niu pakhat fehpui i. 36 Ciami tlangval pa hnenah, “I sai tuhhnak thalte heh dawp tulai si ta tu,” tiin ti i. Tlangval pa khai dawp ai Jonathan in thal heh a hlapui ah sai i. 37 Thal tlokhnak hmun a hleng fangin Jonathan tu cawm ngai in au ai, “Thal tu a hlapui ah um i. 38 Ciata ah ding menma mah. Rang ngai in feh tu,” tiin ti i. Tlangval pa in thal heh khul ai a bawipa hnenah hlenpui i. 39 Ikhalselai a sullam zaikhai ling lo i. Jonathan le David ca ahcen sullam nai sio i. 40 Cen li le thalte tu khua songah tlun tuhin Jonathan in a tlangval pa hnenah pe i.

𝐯𝐯. 𝟒𝟏-𝟒𝟐 𝐉𝐨𝐧𝐚𝐭𝐡𝐚𝐧 𝐢𝐧 𝐃𝐚𝐯𝐢𝐝 𝐡𝐞𝐡; “𝐊𝐢𝐧 𝐩𝐚𝐡𝐧𝐢𝐡 𝐤𝐚𝐫𝐥𝐚𝐤 𝐚𝐢 𝐭𝐡𝐮𝐤𝐡𝐚𝐦 𝐡𝐞𝐡 𝐤𝐡𝐨 𝐫𝐮𝐚𝐢 𝐭𝐢𝐨 𝐭𝐮𝐡𝐢𝐧 𝐏𝐚𝐭𝐡𝐢𝐚𝐧 𝐢𝐧 𝐤𝐢𝐧 𝐛𝐚𝐰𝐦 𝐭𝐮 𝐬𝐞𝐡” 𝐭𝐢𝐢𝐧, 𝐯𝐚𝐢 𝐡𝐥𝐚 𝐢: Tlangval pa a feh hnuaah a relhhmun lungpup in David tu tho ai laipua tong rori in vel thum tian a lu ut i. David le Jonathan tu thut dun ai kap kawm i. David ai lungsiahnak tu Jonathan lungsiahnak tahin luar sawn i. 42 Cen Jonathan in, “Na hnenah Pathian um tuseh. Bawipa in kin pahnih lakah le na tesinfa le i tesinfa karlak ai Bawipa hming sal in thukham kin bawnkawmhnak heh kin khoruai ṭio tuhin kin bawm tuseh,” tiin David hnenah ti i. Cen David khai feh ai Jonathan tu khua songah tlung leh i.

𝐓𝐮𝐧𝐧𝐢𝐚 𝐡𝐫𝐚𝐧𝐠 𝐭𝐡𝐚𝐳𝐚𝐧𝐠 𝐥𝐚𝐧𝐠𝐩𝐡𝐚 𝐭𝐡𝐮𝐜𝐨𝐦:

• 𝘓𝘢𝘪𝘷𝘶𝘮 𝘯𝘢 𝘯𝘶𝘯𝘩𝘯𝘢𝘬 𝘢𝘩 𝘯𝘢 𝘩𝘯𝘦𝘯 𝘭𝘢𝘮𝘢𝘩 𝘵𝘢𝘯𝘨 𝘪𝘯, 𝘯𝘢 𝘵𝘢𝘯𝘱𝘶𝘪𝘵𝘶 𝘩𝘦𝘩 𝘬𝘰𝘯 𝘵𝘦𝘯𝘨𝘢𝘩 𝘵𝘢𝘸𝘬 𝘪 𝘱𝘢 𝘴𝘪?
• 𝘈𝘪𝘴𝘶𝘵𝘶𝘣𝘦𝘳 𝘩𝘦𝘩 𝘳𝘶𝘢𝘭𝘱𝘶𝘪𝘱𝘩𝘢 𝘥𝘪𝘯𝘩𝘮𝘶𝘯 𝘪𝘯 𝘯𝘢 𝘵𝘢𝘯𝘱𝘶𝘪𝘵𝘶 𝘪?

𝘈𝘸 𝘗𝘢𝘵𝘩𝘪𝘢𝘯! 𝘓𝘢𝘪𝘷𝘶𝘮 𝘪 𝘯𝘶𝘯𝘩𝘯𝘢𝘬 𝘩𝘳𝘢𝘯𝘨𝘢𝘩 𝘵𝘢𝘯𝘱𝘶𝘪𝘵𝘶 𝘳𝘪𝘯𝘴𝘢𝘯𝘵𝘭𝘢𝘬 𝘳𝘶𝘢𝘭𝘱𝘶𝘪𝘱𝘩𝘢 𝘪 𝘱𝘦 𝘵𝘪𝘰 𝘥𝘦 𝘮𝘢𝘯𝘪𝘯 𝘵𝘩𝘢𝘯𝘨 𝘯𝘢𝘱𝘩𝘢𝘵 𝘪𝘯𝘨!

Nisiar Rauhla Rong,
October 13, 2024

Pathian thu a dangdang siar bet tu – https://pathianthu.com & https://www.gzca.org